काँग्रेसका शिर्ष नेताहरु नवलपुर आउने 

कावासोती । नेपाली कांग्रेस नवलपुरको प्रथम जिल्ला सम्मेलनमा सहभागी हुन नेपाली कांग्रेसका शिर्ष नेताहरु नवलपुर आउने भएका छन् । 

नेपाली कांग्रेस नवलपुरले यहि मंसिर ११ गते जिल्ला सम्मेलन गर्दै छ । सोही सम्मेलनलाई सम्बोधन गर्न कांग्रेस सभापति शेरबहादुर देउवा, नेता शेखर कोइराला, महामन्त्रीद्वय गगनकुमार थापा र विश्वप्रकाश शर्मा, संघीय संसाद डा. शशांक कोइराला नवलपुर आउन लागेका हुन् । 

देवचुलीमा रहेको सहारा पार्टी प्यालेसमा हुने कार्यक्रमलाई शिर्ष नेताहरुले सम्बोधन गर्ने नेपाली कांग्रेस नवलपुरका सभापति महेन्द्रध्वन जिसिले जानकारी दिनुभयो । 

जिल्ला सम्मेलनमा वडा सभापति र क्षेत्रीय प्रतिनिधिलाई आमन्त्रण गरिएको नेपाली कांग्रेस नवलपुरका सचिब होमराज रानाभाटले जानकारी दिनुभयो ।