कांग्रेस छोडेका ललित श्रेष्ठ रास्वपा केन्द्रीय श्रम तथा उपभोक्ता विभागको उप–प्रमुखमा नियुक्त 

नवलपुर । नेपाल ट्रेड युनियन कांग्रेसका केन्द्रीय उपाध्यक्ष ललित श्रेष्ठले पद त्याग गरी राष्ट्रिय स्वतन्त्र पार्टी (रास्वपा) मा प्रवेश गर्नुभएको छ। श्रेष्ठलाई रास्वपाको केन्द्रीय श्रम तथा उपभोक्ता विभागको उप–प्रमुख पदमा नियुक्त गरिएको रास्वपा गैँडाकोट नगर सभापति विमल घिमिरेले विजय एफएमलाई जानकारी दिनुभयो । 

पार्टी प्रवेशपछि श्रेष्ठले जनताको पक्षमा अझ नजिकबाट काम गर्ने उद्देश्य रहेको बताउनुभयो। उहाँले मजदुर वर्गको अधिकार, युवाको भरोसा र जनताको अपेक्षालाई सम्बोधन गर्दै देश विकासमा योगदान पु¥याउने प्रतिवद्धता व्यक्त गर्नुभयो। उहाँले पुराना पार्टीले युवालाई प्रोत्साहन नगर्ने, मुद्धा र सिद्धान्तमा फरक रहेकाले के गरौ भन्ने हुटहुटीका साथ पुरानो पार्टी परित्याग गरेको बताउनुभएको छ । 

रास्वपाले श्रेष्ठको आगमनलाई स्वागत गर्दै उहाँको अनुभव र नेतृत्व क्षमता पार्टीको श्रम तथा उपभोक्ता अधिकार संरक्षण अभियानमा महत्वपूर्ण हुने विश्वास व्यक्त गरेको छ।