भरतपुरमा सेफ्टी ट्याङकीमा खसेर एक महिलाको मृत्यु

भरतपुर । चितवनको भरतपुरमा सेफ्टी ट्याङकीमा खसेर शनिवार साँझ एक महिलाको मृत्यु भएको छ । भरतपुर महानगरपालिका ९ शरदपुरस्थित शरदकृष्ण टोल बस्ने ६४ वर्षकी राधिका बिक घर नजिकै रहेको रिङले बनाएको सेफ्टी ट्याङकीमा खस्दा मृत्यु भएको जिल्ला प्रहरी कार्यालय चितवनले जानकारी दिएकोे छ ।  

राधिकालाई उनकी छोरीले देखेपछि अरुलाई खबर गरेको र उद्धार गरी उपचारका लागि भरतपुर अस्पताल पठाइएको थियो । उपचारका क्रममा ८ः३० बजे उनको मृत्यु भएको प्रहरीले जनाएको छ ।