भरतपुरमा प्राथमिक उपचार तथा सिपिआर तालिम सुरू

भरतपुर । आपत्कालीन अवस्थामा ज्यान बचाउने, चोटपटकलाई गम्भीर हुन नदिई उपचार सहज बनाउने तथा हृदयघात वा श्वास रोकिने अवस्थामा प्रभावकारीरुपमा ‘र्कार्डियोपल्मोनरी रिससिटेसन’(सिपिआर) विधि अपनाउन सक्षम बनाउने उद्देश्यले तीन दिने आभारभूत उपचार तथा सिपिआर तालिम भरतपुरमा सुरू भएको छ ।

भरतपुर-७, कृष्णपुरस्थित अङ्कुरम् एकेडेमीमा चितवन स्मार्ट स्काउट क्र्युको आयोजना तथा नेपाल रेडक्रस सोसाइटी चितवनको सहयोगमा सो तालिम सुरू भएको हो । तालिममा अङ्कुरम् एकेडेमी र चितवन स्मार्ट स्काउट क्र्युका २४ जना प्रशिक्षार्थीको सहभागिता रहेको छ ।

तालिममा चितवन स्मार्ट स्काउट क्र्युका पूर्वप्रमुख आयुक्त तथा नेपाल स्काउटका सहायक राष्ट्रिय प्रशिक्षक शिवप्रसाद बराल, नेपाल रेडक्रस सोसाइटी चितवनका तालिम संयोजक चीजकुमार श्रेष्ठ, प्रशिक्षकद्वय शारदा पौडेल र नरबहादुर केसीले प्रशिक्षण सञ्चालन गरेका छन् ।

तालिमले प्रशिक्षार्थीहरुलाई आकस्मिक रुपमा चोटपटक लाग्दा वा बिरामी पर्दा तत्कालीन र सही प्राथमिक उपचार दिन सक्षम बनाउने, दुर्घटना वा स्वास्थ्यसम्बन्धी आपत्कालीन अवस्थामा ज्यान बचाउने, दुर्घटनामा लागेको चोटलाई थप गम्भीर हुन नदिन र उपचार सहज बनाउन सहयोग पु¥याउने सीपको विकास गर्ने, जोखिम पहिचान, सुरक्षित ढङ्गले सहायता, र मद्दत माग्ने सही प्रक्रिया सिकाउने, हृदयघात वा श्वास रोकिने अवस्था आउँदा शीघ्र र प्रभावकारी सिपिआर विधि सिकाउने, एम्बुलेन्स वा चिकित्सक आइपुग्ने समयसम्मका लागि बिरामीको जीवन बाँच्ने सम्भावना बढाउनेलगायतका सीप सिकाउने विश्वास गरिएको छ ।