अटोले स्कुटरलाई ठक्कर दिँदा दुई जना घाइते
2023-07-07-02-51-33.png)
भरतपुर । भरतपुरमा अटोले स्कुटरलाई ठक्कर दिँदा दुई जना घाइते भएका छन् । भरतपुर महानगरपालिका वडा नं-४, नवदुर्गा चोकमा अटोको ठक्करबाट स्कुटरमा सवार दुई जना घाइते भएका हुन् ।
नवदुर्गा चोकबाट क्यान्सर अस्पतालतर्फ जाँदै गरेको बागमती प्रदेश-०३०३ प १९० नम्बरको स्कुटरलाई पेन्सन क्याम्प चोकबाट नवदुर्गा चोकतर्फ आउँदै गरेको ना २ ह १०१० नम्बरको अटोले ठक्कर दिँदा दुर्घटना भएको हो ।
दुर्घटनामा स्कुटर चालक भरतपुर-४ बस्ने ६२ वर्षीय नारायण पौडेल र स्कुटरपछाडि सवार भरतपुर-१८ बस्ने ५२ वर्षीय राजकुमार परियार घाइते भएका छन् ।
दुवै घाइतेलाई उपचारका लागि अस्पताल पठाइएको र अटो चालक भरतपुर-१८ बस्ने २७ वर्षीय धीरज तामाङलाई नियन्त्रणमा लिइएको अस्थायी प्रहरी पोस्ट कल्याणपुरले जनाएको छ ।
ताजा खबर
