चितवनदेखि मुक्तिनाथसम्म चैतमा मोटर र्याली गरिने

0

गैँडाकोट, फागुन १९ । पहिलो पटक चितवनबाट मुक्तिनाथसम्म मोटर र्याली गरिने भएको छ । आन्तरिक पर्यटन प्रर्वद्धन, मोटर खेल विकास र सुरक्षित यात्राको सन्देशको जनचेतना फैलाउने लक्ष्यका साथ नेपाल अटोमोबाइल एसोसिएसन प्रदेश नम्बर ३ र चितवन अटोमोबाइल डिलर्स एसोसिएसनको संयुक्त आयोजनामा ३ दिने मोटर र्याली गरिने जनाइएको छ ।
आगामी चैत १५ देखि १७ गते सम्म चितवन मुक्तिनाथ मोटर र्याली हुने कार्यक्रमका संयोजक तथा नेपाल अटोमोबाइल एसोसिएसन प्रदेश नम्बर ३ का अध्यक्ष राजन पियाले जानकारी दिनुभयो ।

‘र्‍यालीको मुख्य उद्देश्य थला परेको नेपाली पर्यटन व्यवसायलाई अगाडि बढाउने हो अध्यक्ष पियाले भन्नुभयो,“ साथै सुरक्षित यात्रा र मोटर खेलको विकास प्रर्वद्धन सन्देश पनि हो ।”

र्यालीका सहभागिहरुको निगरानीलाई विभिन्न ७ स्थानमा चेक प्वाईट राखिने आयोजकले जनाएको छ। तोकिएका चेकप्वाइन्टमा र्यारलीमा सहभागिले अतिरिक्त क्रियाकलामा सहभागि हुँदै अंक बटुल्नेछन्। तोकिए अनुसारको सहभागिहरुले सवारी साधान चलाउनु पर्नेछ र तोकिएका कार्यभार पूरा पनि गर्नु पर्नेछ भने सोही आधारमा उपाधी समेत दिईने उहाँको भनाई छ ।
चितवनको भरतपुररबाट सुरु हुने र्याली मुग्लिन, पोखरा, बेनी, लेते, मार्फा, जोमसोम हुदै मुक्तिनाथमा पुग्नेछ । जान आउन गरेर ६ सय किलोमिटरको यात्रा हुने र तयारी समेत तीव्र पारेको उहाँले बताउनुभयो ।
साथै कालीगण्डकी किनारमा मोटर स्पोर्टस् प्रतिस्पर्धाका विभिन्न खेल पनि समावेश गरिएको जानकारी दिँदै र्यालीमा ३० वटा सवारी साधनमा १ सय जना सहभागी हुने उहाँको भनाई छ ।

Share.

Leave A Reply