गैँडाकोटमा माघ २९ गते हुनेगरी नवलपुरमा माघ ७ देखि निशुल्क बन्ध्याकरण शिविर

0

गैँडाकोट, पौष २३ । गैँडाकोटमा माघ २९ गते निशुल्क स्थायी बन्ध्याकरण शिविर हुने भएको छ । जिल्ला स्वास्थ्य कार्यालय नवलपुरका अनुसार जिल्लाका सवै स्थानीय तहहरुमा निशुल्क स्थायी बन्ध्याकरण हुने भएको हो । माघ २९ गते गैंडाकोटको प्रस्तावित गैंडाकोट, नगर अस्पताल पिजौजी स्वास्थ्य चौकीमा शिविर सञ्चालन हुने भएको हो ।

सन्तानको रहर पुगेका महिला तथा पुरुषका लागि निशुल्क स्थायी बन्ध्याकरण शिविर सञ्चालन हुने भएको छ ।८ वटै स्थानीय तहका १२ र जिल्ला अस्पतालका एक ठाउँमा गरी १३ स्थानमा शिविर सञ्चालन हुने कार्यालयले जनाएको छ । माघ ७ गतेदेखि सुरु हुने शिविरमा सन्तानको रहर पुगेका पुरुषका लागि भ्यासेक्टोमी र महिलाका लागि मिनिल्यापको सेवा निशुल्क रहेको जनाईएको छ ।

माघ ७ गते देवचुलीको दुम्कौली प्राथमिक स्वास्थ्य केन्द्रमा, मध्यबिन्दु जिल्ला अस्पतालमा माघ ८, ९ र १० गते लगातार ३ दिन शिविर चल्नेछ । मध्यबिन्दु नगरपालिकाका ३ ठाउँमा एक–एक दिन शिविर सञ्चालन हुने भएको छ । जसअन्तर्गत नयाँ बेलहानी स्वास्थ्य चौकीमा १२ गते, चोरमारा प्राथमिक स्वास्थ्य केन्द्रमा १३ गते र नवलपुर स्वास्थ्य चौकीमा १४ गतेलाई मिति र स्थान तोकिएको हो ।
बिनयी त्रिबेणीमा त्रिबेणी सुस्ता स्वास्थ्य चौकीमा माघ १६ र दुम्किबास स्वास्थ्य चौकीमा माघ १८ गते शिविर चल्ने भएको छ ।
हुप्सेकोट गाउँपालिकाको हुप्सेकोट स्वास्थ्य चौकीमा माघ २० र देउराली स्वास्थ्य चौकीमा २२ गते बन्ध्याकरण शिविर आयोजना गरिएको छ ।
बौदीकालीमा रकुवा प्राथमिक स्वास्थ्य केन्द्रमा माघ २४ गते र बुलिङटारको कोटथर स्वास्थ्य चौकीमा २५ तथा जौवारी स्वास्थ्य चौकीमा २७ गते शिविर चलाईने छ ।

हेर्नुहोस तालिका

Share.

Leave A Reply