नदीजन्य पदार्थ चोरिरहेका ८ ट्याक्टर नियन्त्रणमा

0

गैँडाकोट, पौष १० । नदीजन्य पदार्थ चोरिरहेका आठ वटा ट्याक्टरलाई जिल्ला प्रहरी कार्यालय नवलपरासी (पूर्व) ले नियन्त्रणमा लिएको छ ।
आज विहानै साँढे ३ बजे विनयी त्रिवेणी गाउँपालिका २ मजुवामा रहेको विनयी खोलाबाट ट्याक्टर र चालकलाई नियन्त्रणमा लिइएको हो । नियन्त्रणमा लिइएको ट्याक्टरहरु आवश्यक कारबाहिको लागि सम्बन्धित कार्यलयमा पठाइने नवलपुर प्रहरीका सुचना अधिकारी मोहन खाँणले जानकारी दिनुभयो ।
जिल्ला प्रहरी कार्यलय नवलपरासी (पूर्व) र ई.प्र.का.दुम्किबास बाट खटिएको संयुक्त प्रहरी टोलीले नियन्त्रण लिन सफल भएको सुचना अधिकारी खाँणले जानकारी दिनुभयो ।
पक्राउ गरिएका ट्याक्टरहरुमा लु ३ त ७१४१, लु ४ त १२३५, लु ३ त ५२५५,लु ४ त १६४६,लु ४ त ६९५, अनटेष्ट, अन्य २ वटाको नम्वर नखुलेको गरी ८ वटा रहेको प्रहरीले जानकारी दिएको छ । यस अघि पनि पटक पटक प्रहरीले धेरै नै ट्याक्टरहरु नियन्त्रणमा लिइसकेको छ ।

Share.

Leave A Reply