रत्ननगर उद्योग वाणिज्य संघको चुनाव सकियो, बरिष्ठ उपाध्यक्षमा गिरी निर्वाचित

0

चितवन, पुष १ । रत्ननगर उद्योग वाणिज्य संघको २१ औं साधारणसभा तथा नवौं अधिवेशन सकिएको छ । अधिवेशनले नयाँ नेतृत्व समेत चयन गरेको छ । बरिष्ठ उपाध्यक्ष स्वतह अध्यक्ष हुने नियमानुसार अनिल कृष्ण श्रेष्ठले पद सह्माल्नुभएको छ ।
अध्यक्ष र बस्तुगत तर्फको उपाध्यक्ष बाहेकका पदमा भएको निर्वाचनमा नेकपा प्यानलनै आएको छ । बस्तुगत तर्फको उपाध्यक्षमा कांग्रेस निकट ब्यबसायी रघु भट्ट निर्वीरोध भईसक्नु भएको छ ।
निर्वाचनमा १ हजार ३२५ मतदाता रहेकोमा सोमबार भएको निर्वाचनमा १ हजार १९१ मत खसेको थियो । मंगलवार सम्पन्न मगतणना अनुसार वरिष्ठ उपाध्यक्षमा नेकपा प्यानलका उम्मेदवार शंकर गिरी निर्वाचित हुनुभएको छ । उहाँले कांग्रेस प्यानलका देवेन्द्र कुमार श्रेष्ठलाई ५९ मतले पराजित गर्नुभएको हो । गिरीले ६०४ ल्ययाउँदा श्रेष्ठले ५४५ मत प्राप्त गरेको निर्वाचन अधिकृत रामकृष्ण अधिकारीले जानकारी दिनुभयो । बणिज्य तर्फको उपाध्यक्षमा नेकपा प्यानलका उम्मेदवार भिमनारायण श्रेष्ठ ५ सय ३७ मतले निर्वाचित हुँदा निकटतम प्रतिस्पर्धी काँग्रेस प्यानलका उम्मेदवार कविन घिमिरेले ३ सय ७७ मत र स्वतन्त्र उम्मेदवार रहनुभएका देवी डल्लाकोटीले २ सय १३ मत प्राप्त गर्नुभयो ।
यस्तै, उद्योग तर्फको उपाध्यक्षमा नेकपा प्यानलकै उम्मेदवार पुरु खनाल बिजयी भएका छन् । उहाँले ५ सय ८१ मत प्राप्त गर्दा प्रतिस्पर्धी काँग्रेस प्यानलका निरञ्जन थापाले ५ सय ४१ मत प्राप्त गर्नुभएको थियो ।
यस्तै एसोसियट तर्फ पनि नेकपा प्यानलकै उम्मेदवार राममणि थपलिया निर्वाचित हुनुभयो । उहाँले ६६ मत प्राप्त गर्दा सोही पदका अर्का उम्मेदावर काँग्रेस प्यानलका हरी अधिकारीले ५३ मत प्राप्न गर्नुभयो । संघको महासचिवमा पनि नेकपा प्यानलकै निराजन खनाल निर्वाचित हुनुभएको छ । खनालले ६ सय ६३ मत प्रप्त गर्दा उहाँका निकटतम प्रतिस्पर्धी काँग्रेस प्यानलका माधव पौडेलले ४ सय ६० मत प्राप्त गर्नुभयो । त्यस्तै कोषाध्यक्षमा उपेन्द्रशर्मा आचार्य ६ सय ४० मत सहित निर्वाचित हुनुभएको छ । उहाँका प्रतिस्पर्धी काँग्रेस प्यानलका मिना उप्रेतीले ४ सय ७३ मत प्राप्त गर्नुभयो । महिला सदस्य तर्फ पनि नेकपा निकट प्यानलकी निर्मला सुबेदी निर्वाचित हुनुभएको निर्वाचन अधिकृत अधिकारीले जानकारी दिनुभयो । अधिकारीका अनुसार बाणिज्य तर्फको सदस्यहरुमा ईश्वरी प्रसाद अर्याल, रामशरण नेपाल, सुन्दरमणि सुबेदी, सुरेन्द्र पाण्डे, अर्जुन बास्ताकोटी, उत्तम घिमिरे, प्रकाशमणि सापकोटा, शुर्य प्रकाश रेग्मी तथा उद्योग तर्फको सदस्यहरुमा बिरञ्जना सापकोटा, महेन्द्र घिमिरे, रामप्रसाद पाण्डे, अनुप बिसुराल, सुबास मिश्र र उद्धव प्रसाद कोईराला निर्वाचित हुनुभएको छ । त्यस्तै बस्तुगत सदस्यमा कृष्ण सेढाई र एसोसियट सदस्यहरुमा जोगेन्द्र महतो सँगै लोजिक कृष्ण श्रेष्ठ निर्वाचित हुनुभएको छ ।

Share.

Leave A Reply