गैँडाकोटमा १३ बर्षका एक बालक साढे ११ बर्षदेखी बाँधीएर बाँच्न बाध्य ।

0

गैँडाकोट ५ बैशाख ।

गैँडाकोट नगरपालीका ३ ढोडेनी भुजेल गाउँमा १३ बर्षीय बालक वितेका साढे ११ बर्षदेखी घरमै बाँधीएर बाँच्न बाध्य रहेको भेटीएको छ ।

स्थानीय सुकलाल भुजेल र विर्सिमाया भुजेलका कान्छा छोराको सानै उमेरमा मानसिक सन्तुलन गुमेपछी परिवार उपचारको सट्टा घरमै बाधेर र थुनेर राखेको पाईएको हो ।आर्थीक अभावमा उपचार गर्न नसकेको भन्दै बाबु सुकलालले स्थानीय स्वास्थ्य चौकीमा लगिए पनि सन्चो नभएको बताए ।

गैँडाकोटका स्थानीय शिव अधिकारीले भुजेल गाउँमा रहेको समस्याबारे विजय एफएमलाई जानकारी गराएपछि मंगलबार विजय एफएमको पहलमा जिल्ला बाल कल्याण समिती सहितको टोली ढोडेनी पुगेको थियो । विजय एफएमकी पत्रकार लक्ष्मी पौडेल सहित जिल्ला बाल कल्याण समितीका सदस्य तथा नेपाली काँग्रेस नवलपरासीका सभापती विष्णु लामीछाने, बालकल्याण समितीका सदस्यहरु पुस्कर काफ्ले र दिपक शर्मा को टोलीले मंगलबार ढोडेनी पुगेर बालकको बारेमा जानकारी लिएको हो ।

साढे १ बर्षको उमेरदेखी असामान्य व्यवहार देखाउने गरेका बालक बोल्दैनन् । कपडा नलगाउने च्यात्ने, भुई खोस्रने, उनलाई परिवारले बर्षौदेखी घरमै थुनेर र बाँधेर राखेको हो । आर्थीक अभावका कारण उपचार गर्न नसकेपछी आस मारेर बाधेर राखिएको आमा विर्सिमाया भुजेलले बताउनुभयो ।

Share.

Leave A Reply