नवलपुरमा २१ देखि ३० वर्षे युवामा अत्याधिक संक्रमण, बालक र बृद्धमा संक्रमण बढ्दै

0


गैँडाकोट, २६ भदौ । नवलपुर जिल्लामा सबैभन्दा बढी संक्रमण २१ देखि ३० वर्षको उमेर समूहका व्यक्तिमा देखिएको छ । यस उमेर समूहमध्ये १ सय ५७ जना पुरुष र ५४ जना महिला गरि २ सय ११ जनामा संक्रमण देखिएको छ ।

यस पश्चात ३१ देखि ४० वर्ष उमेर समूहमध्ये ११७ पुरुष र ४१ महिला गरि १५८ जनामा संक्रमण देखिएको छ ।

 

जिल्लामा १० बर्षमुनिका बालबालिका १५ जनामा संक्रमण देखिएको छ । यसैगरी ११ देखि २० वर्षमुनिको उमेर समूहमा पनि ८९ जनामा संक्रमण देखिएको छ ।

६१ वर्षदेखि माथिको उमेरसमूहका वृद्धहरुमा पनि संक्रमण फैलिदो छ । यस उमेर समूहमा आहिलेसम्म ३० जनामा संक्रमण देखिएको छ ।

नवलपुर जिल्लामा कोभिड १९ का संक्रमित ६ सय १८ जना पुगेका छन् । जसमध्ये ४०० जना निको भइ घर फर्किएका छन् ।

 

अहिले जिल्लामा सक्रिय संक्रमित २१८ जना रहेका छन् । ३ जनाको मृत्यु भइसकेको छ ।

Share.

Leave A Reply