अभावयुक्त जिन्दगी जिएर त हेर

0

गजल

अभावयुक्त जिन्दगी जिएर त हेर
धुजैधुजा फाटेको मन सिएर त हेर

 

ठूलै अन्तर हुनेखाने हुँदाखाने बीच
भोको पेट ना∙ो आङ लिएर त हेर

 

घोचिरहन्छ समय छलिरहन्छ नियति
नुनिला ती आँसुका ढिका पिएर त हेर

 

न सपना महलको छ न लालसा धनको
छाकै टार्न भनी स्वयम् खिएर त हेर

 

हलै गर्न हम्मे सधैँ जटिल एउटै प्रश्न
जिन्दगीको यो परीक्षा दिएर त हेर ।

 

मुना धनञ्जय
गैँडाकोट–१, नवलपुर

 

Share.

Leave A Reply