भेनेजुयलाको सार्वभौमसत्ताको सम्मान गर्न अध्यक्ष दाहालको आग्रह

0

काठमाडौँ, ११ माघ 

नेपाल कम्युनिष्ट पार्टी ९नेकपा०का अध्यक्ष पुष्पकमल दाहाल ‘प्रचण्ड’ले अमेरिकालगायत अन्तर्राष्ट्रिय समुदायलाई भेनेजुयलाका सम्बन्धमा अहस्तक्षेप, राष्ट्रिय सार्वभौमसता र शान्तिपूर्ण सहअस्तित्वका सिद्धान्तलाई सम्मान गर्न आग्रह गर्नुभएको छ ।

दक्षिण अमेरिकी राष्ट्र भेनेजुयलाको पछिल्लो राजनीतिक अवस्थाका बारेमा पार्टीका तर्फबाट आज एक विज्ञप्ति प्रकाशित गर्दै उहाँले सो मुलुकको सार्वभौमसत्ता, अखण्डता र शान्तिको पक्षमा उभिन अन्तर्राष्ट्रिय समुदायलाई आग्रह गर्नुभएको छ ।

प्रजातान्त्रिक निर्वाचन प्रक्रियामार्फत चुनिएका वैधानिक राष्ट्रपति निकोलस माडुरोलाई मान्यता नदिई आफूलाई राष्ट्रपति घोषणा गरेका हुवान गुवाइदोलाई अन्तर्राष्ट्रिय रुपमा वैधानिकता दिएको भन्दै उहाँले आश्चर्य व्यक्त गर्नुभएको छ ।

“भेनेजुयलाका जनतालाई विभाजित गरी प्रजातन्त्र, सार्वभौमसत्ता र शान्तिलाई चुनौती दिई हिंसा बढाउने मनसायसहित भेनेजुयलाको आन्तरिक मामिलामा अमेरिका र उसका गठबन्धन राष्ट्रले गरेको हस्तक्षेपको नेकपा भत्सर्ना गर्दछ”, अध्यक्ष दाहालको विज्ञप्तिमा भनिएको छ । अध्यक्ष दाहालले भेनेजुयलामाथिको पछिल्लो व्यवहार संयुक्त राष्ट्र सङ्घको बडापत्र र शान्तिपूर्ण सहअस्तित्वमाथि गम्भीर चुनौती भएको स्पष्ट पार्नुभएको छ ।-रासस

Share.

Leave A Reply