भाईरल भिमबहादुरको वास्तविकता

0

प्रेम क्षेत्री
गैंडाकोट । हेर्दा बालक जस्ता देखिने, स्वाभाव पनि केटाकेटीको जस्तै रहेका गैंडाकोट ३ हर्दीका भिम बहादुर विक उमेरले ४५ वर्षको हुनुभयो । शारिरिक रुपमा दुवै हात खुट्टा र शरिर पनि सुकेको छ । अविवाहित भिमबहादुर पछिल्लो २० वर्षदेखी देवघाटको झोलु∙े पुलमा मागेर आफ्नो जिवन गुजारा गर्दै आउनुभएको छ ।
वृद्धा बाबु आमा पाल्ने जिम्मा भिमको काँधमा
अपा∙गताको ‘घ’ वर्गमा सुचिकृत गर्दै भिमबहादुरको परिचयपत्र बनाईएको छ । २०३० सालमा जन्मिएको बताउने भिमबहादुर विकको परिचय पत्रमा २०२७ सालमा जन्म भएको उल्लेख छ । बाबु आमासँगै रहेका भिमबहादुरले वृद्धा बाबु आमालाई पाल्ने जिम्मा आफ्नै काँधमा रहेको बताउँदै आउनुभएको छ ।

यसरि माग्ने काम शुरु भयो
केही काम गरौं त शारिरिक रुपमा अन्य केही गर्न सक्ने अवस्था छैन । अन्य कुनै उपाए ननिक्लिएपछि भिमबहादुर देवघाट पुग्नुभयो । केही स्थानियले मागेर जिवन चलाउन सकिने सुझाएपछि उहाँलाई सोही तरिका उत्तम लाग्यो । नवलपरासी (वर्दघाट सुस्तापूर्व) गैंडाकोट ३ ढोडेनीबाट दैनिक १ घण्टा देउपुर, तनहुँ हुदै चितवनतर्फ देवघाटको झोलु∙े पुलमा पुगेर माग्न बस्न थाल्नुभयो । माग्न बस्दाको पहिलो दिन ७ हजार भएपछि मागेर जिवन चलाउने सोच बनाउनुभएका भिमले यहि पेशा अंगाल्नुभयो । सोही पैसाले अहिले उहाँको घरको दैनिकी चलेको छ ।


ओत लाग्ने घर
खरले छाएको घर । यहि घरमा भिम र भिमका बाबुआमाको बास छ । ओत लाग्ने ठाउँसम्म मात्रै छ । ठुलो हावा, पानी आयो भने घरभित्र हावा र पानी छिर्छ । ५ बर्षअघि जलेको घर निर्माण हुन नसक्दा भिम बहादुरको घर भित्रै पानी छिर्ने र रातभर सुत्न नसक्ने अवस्था आएको थियो । नयाँ घर बनाउने आँट सम्म नगरेका भिमले यहि घरमा रात कटाउँदै आउनुभएको थियो । भिमको आर्थिक अवस्थाका कारण घर सम्म बन्न सकेको थिएन ।

मिठो मुस्कान र लजालु स्वभाव
मिठो मुस्कानका साथ लजालु स्वभावमा बोल्ने भिम अहिले सवैका प्रिय पात्र बन्नुभएको छ । कहिल्यै रिसाउन नजान्ने भिमसँग फोटो खिचाउनेको भिंड लाग्छ ।


यसरी बने भाईरल
अंगालोमा बेरिएर भुतुक्कै हुदैं कुरा गर्ने बानीले उहाँलाई आत्मियता प्रदान गरेको छ । उहाँसँगको कुराकानी र स्वभावका विषयमा फेसबुक युट्युबमा भिडियो अपलोड भएपछि उहाँ भाईरल बन्नुभयो ।

अन्ततः बन्ने भयो भिमको घर
उनै सामाजिक सञ्जालमा भाइरल गैंडाकोट ३ हर्दीका भिम बहादुर विकको घर मंगलबार शिलान्यास गरिएको छ । नायक पल शाहले हर्दी पुगेर सामाजिक सञ्जालमा भाइरल भिमबहादुर विकको घर शिलान्यास गर्नुभएको हो । नायक पल शाहले भौतिक, आर्थिक तथा सामाजिक सहयोग गर्ने प्रतिवद्धता सहित घरको शिलान्यास गर्नुभएको हो ।
घर निर्माण कार्यमा समाजसेवी रञ्जिता गुरुङ, हेम थापा लगायतले सहयोग जुटाईरहनुभएको छ । धेरै नेपालीले यस कार्यमा सहयोग गर्ने बताएका छन् । भिमले सवैलाई सहयोगका लागि अपिल समेत गर्नुभएको छ । घर निर्माण कार्यमा सहयोग गर्न नायक पल शाहले पनि सवैलाई आग्रह गर्नुभएको छ ।
तत्कालका लागि घरको शिलन्यास गरिएपनि बन्ने घरको डिजाईन र बैशाख १ गतेदेखी काम शुरु हुने सहयोगी विकास सुवेदीले जानकारी दिनुभयो ।
माग्न छाडे भिमले
सोही दिन उहाँलाई तौल नाप्ने मेशिन पनि हस्तान्तरण गरिएको छ । अबदेखी उहाँले नमाग्ने पनि बताउनुभएको छ । तौल नापे वापत भने उहाँले केही शुल्क लिने बताउनुभएको छ । शुल्क नतोक्नुभएका उहाँले दिएजती पैसा लिने बताउनुभयो ।


वडा अध्यक्षको सहयोग
घर निर्माणका विषयमा सो टोलीले गैंडाकोट ३ का वडा अध्यक्ष शिवकान्त तिवारीसँग छलफल समेत गरेका छन् । सो कार्यमा आवश्यक साथ र सहयोग प्रदान गर्ने वडा अध्यक्ष तिवारीले बताउनुभयो । घर निर्माण कार्यमा आवश्यक आर्थिक, नैतिक, भौतीक तथा आवश्यक सामाग्रीका लागि समन्वय गर्ने बताउनुभयो ।

Share.

Leave A Reply